افغانستان میں 6.0 شدت کا خوفناک زلزلہ آیا جس کے نیجے میں 50 افراد جاں بحق جبکہ 200 سے زائد زخمی ہوگئے۔
امریکی جیولوجیکل سروے کے مطابق زلزلے کا مرکز صوبےننگرہار کے شہر جلال آباد کے قریب تھا اور اس کی گہرائی 8 کلو میٹر ریکارڈ کی گئی۔
رپورٹس کے مطابق زلزلہ مقامی وقت کے مطابق رات 11 بجکر 47 منٹ پر آیا اور تقریبا 20 منٹ بعد ہی اسی صوبے میں 4.5 شدت کا ایک اور جھٹکا محسوس کیا گیا جس کی گہرائی 10 کلو میٹر تھی۔
زلزلے کے باعث مختلف حادثات میں 50 افراد جاں بحق اور 200 سے زائد زخمی ہوئے ہیں جبکہ درجنوں مکانات کو شدید نقصان پہنچا، طالبان حکام نے جاں بحق افراد کی تعداد میں اضافے کا خدشہ ظاہر کردیا۔
افغان حکومت نے امدادی تنظیموں سے فوری طور پر ریسکیو آپریشن میں مدد کی اپیل کی ہے، افغان حکام نے برطانوی نشریاتی ادارے بی بی سی سے گفتگو کرتے ہوئے کہا کہ زلزلے کے آفٹر شاکس او ر لینڈسلائیڈنگ کے باعث زلزلے سے متاثرہ علاقوں کو جانے والی سڑکیں تباہ ہوگئی ہیں اور سیلاب سے متاثرہ پہاڑی علاقوں میں صرف فضائی ریسکیو آپریشن ہی ممکن ہے۔
ترجمان افغان طالبان ذبیح اللہ مجاہد نے اپنے ٹیوٹ پر جاری پیغام میں کہا کہ آج گزشتہ رات آنے والے زلزلے کے باعث جانی و مالی نقصان ہوا، مقامی حکام اور علاقہ مکین متاثرہ افراد کے ساتھ امدادی سرگرمیوں میں مصروف ہیں
