کوئٹہ محکمہ موسمیات کے مطابق بلوچستان کے بیشتر اضلاع میں موسم خشک جبکہ شمالی علاقوں میں رات اور صبح کے اوقات میں موسم سرد رہے گا۔
محکمہ موسمیات کا کہنا ہے کہ صوبائی دارالحکومت کوئٹہ میں زیادہ سے زیادہ درجہ حرارت 24 ڈگری سینٹی گریڈ ریکارڈ کیا گیا، جبکہ قلات میں 21 ڈگری سینٹی گریڈ رہا۔ زیارت میں درجہ حرارت 17 اور ژوب میں 26 ڈگری سینٹی گریڈ ریکارڈ کیا گیا۔
اسی طرح سبی میں 35، تربت میں 34، نوکنڈی میں 34 اور چمن میں 26 ڈگری سینٹی گریڈ درجہ حرارت ریکارڈ کیا گیا۔
محکمہ موسمیات کے مطابق بلوچستان کے ساحلی علاقوں میں بھی موسم قدرے خشک رہا، جہاں گوادر میں زیادہ سے زیادہ درجہ حرارت 31 اور جیوانی میں 29 ڈگری سینٹی گریڈ ریکارڈ کیا گیا۔
ماہرین کے مطابق آئندہ چوبیس گھنٹوں کے دوران موسم کی یہی صورتحال برقرار رہنے کا امکان ہے، تاہم شمالی بلوچستان میں رات کے وقت درجہ حرارت مزید کم ہوسکتا ہے۔
