چیف منسٹر بلوچستان میر سرفراز بگٹی،
مشیر وزیراعلیٰ غلام رسول عمرانی،
سیکریٹری لیبر نیاز نچاری،
اور
سیکریٹری ورکرز ویلفیئر بورڈ بلوچستان عبدالستار بگٹی
کی خصوصی سرپرستی، خلوصِ نیت اور مسلسل جدوجہد کے نتیجے میں نواں کلی لیبر کالونی کے رہائشی فلیٹس کی قرعہ اندازی بالآخر 31 جولائی 2025 کو منعقد ہونے جا رہی ہے۔
یہ قرعہ اندازی محض ایک رسمی کارروائی نہیں، بلکہ تقریباً 15 سال کے طویل انتظار، محنت کشوں کی دعاؤں، قربانیوں اور پُرامید جدوجہد کا ایک تاریخی نتیجہ ہے۔
یہ امر نہایت اطمینان بخش ہے کہ تمام موصول شدہ درخواستوں کی مکمل اسکرونٹی مکمل کی جا چکی ہے، اور قرعہ اندازی میرٹ کی بنیاد پر مکمل شفافیت کے ساتھ کی جائے گی۔ انصاف، دیانتداری اور اہل امیدواروں کو حق دینا اس عمل کی بنیادی ترجیح ہے۔
اس عمل کو مزید شفاف، قابلِ اعتماد اور عوامی اعتماد کے مطابق بنانے کے لیے
تمام لیبر یونینز کے نمائندگان اور میڈیا اداروں سے بھرپور شرکت کی توقع ہے۔
ان کی موجودگی اس عمل کو عوامی نگاہ میں مزید مضبوط، صاف اور مثالی بنائے گی۔
ان معزز رہنماؤں نے بلوچستان کے رجسٹرڈ مزدوروں کی فلاح و بہبود، تعلیم، صحت، اور باعزت رہائش کے لیے جو اقدامات کیے، وہ صوبے میں مزدور دوستی کی روشن مثال بن چکے ہیں۔
تاریخ: 31 جولائی 2025
مقام: دفتر سیکریٹری ورکرز ویلفیئر بورڈ بلوچستان، سمنگلی روڈ، کوئٹہ
یہ دن محنت کشوں کی امید، صبر اور قربانیوں کی کامیاب تکمیل کا دن ہو گا —
ایک نئی شروعات، ایک روشن مستقبل کی بنیاد!
