تربت سے چالیس کلومیٹر مغرب میں ناصر آباد میں زوبیدہ جلال روڈ پر نامعلوم موٹر سائیکل سواروں نے ایک ایل پی جی گیس لے جانے والی بوزر گاڑی کو روک کر آگ لگا دی۔ واقعے کے بعد حملہ آور موقع سے فرار ہونے میں کامیاب ہو گئے۔
سرکاری زرائع نے واقعہ کی تصدیق کرتے ہوئے بتایا کہ واقعہ اس وقت پیش آیا جب گیس بوزر اپنی ترسیل کے روٹ پر جا رہی تھی کہ موٹر سائیکل پر سوار مسلح افراد نے گاڑی کو زبردستی روکا اور نذرِ آتش کر دیا جس سے گاڑی کو شدید نقصان پہنچ چکا۔
یہ پہلا واقعہ نہیں ہے۔ زوبیدہ جلال روڈ پر اس سے قبل بھی ایل پی جی گیس کی گاڑیوں کو نذر آتش کرنے کے واقعات پیش آ چکے ہیں۔
تاحال واقعے کی ذمہ داری کسی گروہ یا تنظیم نے قبول نہیں کی۔ پولیس نے نامعلوم افراد کے خلاف مقدمہ درج کر کے تفتیش شروع کر دی ہے۔
